Det unike med Naturfestivalen er den store variasjonen i tilbod – toppturentusiastar får testa grensene sine, born og ungdom får prøve spennande aktivitetar, og dei som vil rusle ein tur på gamle stiar i godt lag kan gjere det.
Kulturopplevingane er også ein særs viktig del av Naturfestivalen, og dette gjev ein ekstra dimensjon til arrangementa.

Årets program er enno ikkje heilt klart, men vi kan love mange godbitar mellom dei ca 50 arrangementa!
Ein vil finne att ein del gjengangarar som det har vist folk ønskjer å ha kvart år – dette gjeld mellom anna den store overgangsturen frå Leira opp Bakkedalen, føringsturen til Kolåstinden og aktivitesdagen i Bjørkedalen.
I år skal vi også ha aktivitetsdag i ei bygd til – dette får de vite meir om snart!
For dei som ønskjer å konkurrere vert det Ørstaritt på sykkel, og vi samarbeider sjølvsagt også med motbakkeløpet Saudehornet rett opp 7. august.

Elles kan vi love eit variert program med mange ulike aktivitetar.
Hovudtyngda av arrangementa finn som vanleg stad innanfor kommunegrensene til Ørsta og Volda, men vi kjem til å ta oss ein avstikkar eller to litt lenger ut i verda også i år!

Hald av den første veka i august og bli med på naturfest!

---

Naturfestivalen er ikkje ansvarleg for utgifter som måtte oppstå ved feil på desse sidene.