Vinnarane av fotokonkurransen 2009 er kåra

Vi fekk i år inn 31 flotte bilete. Kriterium for konkurransen har vore ”naturen som fellesnemnar”. Vi har dessutan oppmoda folk om å sende inn bilete som er tekne under festivalveka, men dette har ikkje vore noko krav for å kome med i vurderinga.


Årets førstepremie går til Ann Iren Glimsdal for fotografiet ”Trekantdrama på Grøthornet”. Juryen uttalar at biletet er fototeknisk veldig bra, og at det også passar særs godt til temaet for konkurransen.


Andrepremien går til Egil Rotevatn (uten tittel).


Tredjepremien er delt mellom Ann Iren Glimsdal (uten tittel) og Gry Glimsdal (”Ytre Standalseter”)


Vi kårer også årets festivalfoto. Biletet er teke av Gry Glimsdal og heiter ”Neste destinasjon”. Det viser ei ung dame som alt veit å setje seg mål og sikte mot toppen!

Juryen var samansett av Fredd Brekke, Gunnar Wangen og Helge Vatne.

Vinnaren får eit fotostativ frå Triopo. Andrepremien er sovepose frå Haglöfs, medan tredjepremien er gåvekort frå G-Sport. Årets festivalfoto vert premiert med ein dagstursekk frå Haglöfs.

Vi gratulerer alle vinnarar!